Shah kem sa uwei u HNLC na Pyndensohsaw

Shillong,16 Lber:
Dang ha ka sngi thohdieng jong ka taiew , ki pulit ki la ioh kem 3 ngut ki dkhot ka HNLC na 7 mer Upper Shillong na ki ar tylli ki sumo katba ki dang thmu ban hiar sha Bangladesh. Ha ka sngi kaba bud lyngba ka jingtohkit na kitei ki 3 ngut ki pulit ki la ioh kem biang sa ia uwei pat u dkhot katei ka seng uba la ap lypa ban ialam ia kitei ki lai ngut sha ka ktem ka HNLC. Utei u ba la shah kem la tip kyrteng kum u Paila Snaitang,38 snem na ka shnong Balat-Nongthymmai. La kem ia utei u rangbah na ka shnong Pyndensohsaw ha ka miet sngi thohdieng. U SP ka East Khasi Hils u bah M Kharkrang u la iathuh ba utei u rangbah u dei uba la ap lypa ban pdiang burom ia kitei ki lai ngut bad ban ialam ia ki sha ktem ka HNLC sha Bangladesh lyngba ki khappud jong katei ka thain, u la iathuh ruh ba baroh saw ngut kitei ki dkhot ka HNLC kin don lai sngi hapoh ka jingtohkit ki pulit. Lah ban pynkynmaw ba ha ka sngi thohdieng ki laingut ki dkhot ka HNLC kiba la shah kem ki dei kiba la tip kyrteng kum u Tony Roy Pale,28 snem karta na ka shnong Kyrdem, u Shanbor Maring ,19 snem na ka shnong Mawtnum bad u Kyrshan Khyriem,28 snem na ka shnong Mawtnum.