U Bah Bianglad Nengnong, ula phah ia kane ka dur bad ki jingthoh, ha kaba la lap ia ka dew byrtha kaba rong jngum lane kaba u ong “blue cake”. La iathuh ba katei ka khyndew, ka don ha ka jing jylliew kaba 7 phut, ha kaba ki la lap ha ka por ba ki tih pung Um ha Nongkrem. Katei ka khyndew ka dei kaba jem bad kaba ym don jingkhleh eiei hapoh jongka bad ki don na kiba peit ia katei ka dur ha ka facebook peij jong U bah Bianglad, kiba khot da ka kyntien “blue cake”.
U nongphah ia katei ka jingtip, um shym don jingtip eiei halor ka jinglap ia katei ka khyndew kaba rong jngum bad une u nongthoh khubor ruh, um lah satia ban kynthoh eiei, namar ba ka dei ka jait khyndew, ka bym pat ju kham iohi koit ha Ri Khasi.
