U JN Ganesh MLA ka seng Congress, ha Karnataka, ula shah sospon mynta ka sngi, hadien ba ula shah ujor ha ki pulit, ha U Anand Singh, uwei pat U MLA jong ka seng Congress bad ka daw, ka long namar ba u tied da u bitor kyiad ia utei u paralok MLA jongu, ha ka jaka sah miet jongki ha kawei ka hotel.
U Ganesh, u shah sumar ialade ha Apollo Hospital, hadien ka jing ia shoh jongki ha Eagleton Resort. Kitei ki MLA, ki don ha katei ka hotel, na ka bynta ar sngi kynthih, kum ka jingkhanglad jong ka seng Congress, ba kin ioh lad ban leit pyniasoh ialade sha ka seng BJP.
U Singh, ula ujor pyrshah ia U Ganesh, ba u ktah kti ia u bad la iathuh ba U Ganesh, ula tied ia U Sing, da u bitor kyiad na khlieh jongu, ha ka jing ia mai kaba khluit bha mynta ka sngi. Katei ka jing ia mai, ka dei na ka daw, ba U Ganesh, u don jingthmu ban mih noh bad ban leit pyniasoh ialade sha ka seng BJP.
U DK Shivakumar, myntri kam um jong ka sorkar Karnataka, ula kyntait ba kitei ki MLA, ki ia shoh bad u kyntait ruh ba ka don ka jing kawang bitor kyiad bad ula kren shai ba kitei ki MLA, kin sa kren sha ki kotkhubor, ha ki khyndiat por ban sa wan.