Shillong: Ka league ka lympung ialehkai jong ka U-12 & U-14 Football Tournament ka Shillong Sports Association, ki la poi noh sha kaba kut ha ka sngi Palei.
Hadien ba la kut ka league, ki kynhun kiba la jam pat sha ka kyrdan semi phainal ki long ba ha ka U-12 ki kynthup ia ka Mylliem SC, Nongkseh SC, Langsning FC bad Mawnianglah SC.
Ha ka U-14 ki kynhun ba la buh jaka ialade sha ka semi phainal ki long ka Langsning FC, Nongkseh SC, Marbisu SC bad ka Mawlai SC.
Ha ka U-12, ka Mawkhar SC ka la ioh thep kol ia ka Jongksha SC, katba ka Langsning FC ka la pynliem haduh 12-0 ia ka Mawpat SC bad ka Mawlai SC ka la jop da 8-0 ia ka Umpling SC.
Haba phai sha ka jingiakhun ka U-14 ka Nongthymmai SC ka la jop da 1-0 ia ka Lawmei SC bad ka Mawlai SCka la pynliem ia ka Krang SC da 2-1.
Ha ka jingiakhun ha kane ka sngi Saitjain, ka Marbisu kala pynliem ia ka Nongkwei da 3-0. Da kane ka jingjop kan iaknieh ia ka nam lahduh bad ka Langsning lashai ka sngi.