Jowai : Da ka jingiatreilang ki VDP ka shnong Priang hajan Iooksi bad ki pulit ka WJH ki la ioh ban kem ia u suba donkti ban batbor bad pyniap ia iwei i heprit iba dang san snem ka rta.
Utei u briew uba la shah kem u dei uba la tip kyrteng kum u Dawanbiang Langstang, 29 snem ka rta uba dei ruh u pasan jong itei i heprit.
Pule: Shah pyniap I heprit 5 snem suba ba shah leh be-ijot
Na ka liang ki pulit ka WJH District ki la iathuh ba utei u briew u la phla ba u la leh ia katei ka kam ba shyrkhei hadien ba la shoh u khawiang.
Kum ban pynkynnaw ha ka 18 tarik mynta u bnai la lap ia ka met iap itei i khyllung ha kawei ka jaka pynthor. La suba jur ba ia itei i khyllung leh beijot bad la ksih ruh na ryngdang naduh ban da iap. Nangta la lap ruh ba kawei ka sohshkor ka la jah na ka shkor jong katei ka khyllung.
Ki pulit ka West Jaintia Hills ki la pynngat mukotduma ia utei u briew hapoh ki kyndon 302 Ipc Rw Sec 3(a) / 4 POCSO Act.
U Dawanbiang Langstang uba la shah kem ha ki pulit.