Shillong,10 Lber:
Kumba ju long manla u snem ban pynneh pyn sah ia ka Riti ka Dus tur jong ka jaitbynriew Khasi, ka Elaka Umniuh-Tmar Sirdarship kan pynlong ia ka Shad Suk Mynsiem ha ka 29 bad 30 tarik u lber 2014. Ka Elaka Um niuhTmar ka don ruh ia la ka jong ka rukom shad kaba la ju tip kum ka ‘Shad Beh Sing Khalai’ lane ka Shad Umniuh —Tmar. Ka kyrwoh na u bah Premier Sing Khongbeh Chairman ka Shad Suk Mynsiem Elaka Umniuh –Tmar Sirdarship ka khot sngewbha ia baroh ki kur ki kha kiba najan bad ba jngai kumjuh ruh ki lok ki jor ba kin wan ia shim bynta bad pynshngain lang ha katei ka sngi.