Mih kyrteng U Zenith, ioh tiket U Daryl na Tura

Shillong, 9 Lber:
Ka jing ai tiket hynnin ka sngi, na bynta ka Tura, ka la shu kylla kam biria noh, haba la pynmih paidbah, da ka kyrteng jong U Zenith Sangma, katba ka tiket, ka dei kaba la ai sha U Daryl Momin, uba dei u ksiew jong u myntri rangbah barim, U Capt WA Sangma.
Ka la don ka jing lyngngoh bad kulmar jingmut jong kiba bun, haba la mih da ka ky rteng jong U Zenith, uba dei u para jong U Mukul Sangma bad u myntri ba mynta jong ka tnat ialehkai jong ka sorkar Jylla.
Halor katei ka jingbakla, la sngewthuh ba U Mukul Sangma, ula hap ban pynshai sha ki kotkhubor, ba ka kyrteng jong U Zenith, ka dei tang ka jingbakla, hynrei, u kandidet, uba la mynjur da ka AICC, dei U Daryl Momin.

U Daryl William Cheran Momin u ksiew jong u Myntri Rangbah ka jylla u Capt WA Sangma.
Ka AICC ka la pynkhamti ia ka tiket ha u Momin ha ka jingpynlait ia ka thup kyrteng ba nyngkong ha kane ka sngi Saitjain.