Rai ka ingbishar ban set phatok ia ki nongkhaii drok

Shillong,9 Lber:
Ar ngut ki nongkhaiidrok ba shyrkhei kiba la shah kem ha ki pulit mynshem snem na Madanrting ki la shah rai pynrem ha ka ing bishar bad la pynshitom ia ka da kaba set phatok khlem buh por, kitei ki ar ngut ki snar khaii drok ki dei kiba la tip kyrteng kum ka Vuli Hmar 40 snem ka rta bad ka Mawi Hmar 18 snem.Halor katei ka jingshah rai pynrem kitei ki ar ngut ki kynthei ba khaii drok ka CSWO bad ka HNPF ka la pynpaw ia ka jingsngew nguh ia ki pulit hapoh k ajingialam u SP Crime u bah Vivek Syiem namar ka jingsted jong ki ban wan shimti kloi ia kitei ki nongkhaii drok.
Lah ban pynkynmaw ba ia kitei ki arngut ki nongkhaii drok ba ioh kem da ki dkhot ka HNPF Jowai Circle bad CSWO ha ka 19 Tarik Nailur 2012 da ka jing pynap shrip ha Petrol Pump Demthring ha ka por 7.00 baje janmiet. Na kine ki kynthei die droks, ka Vuli Hmar 40 snem ka rta bad ka Mawi Hmar 18 snem, ki pulit ki la ioh ban kurup ia u droks Heroin uba la thep ha ki tin Golden. La ioh ruh ban kurup shuh shuh ia u droks na iing sah jong ki ha Demthring Block-1.