Kynduh phadar Mawlai u Bah Process hadien ba jop MDC

Shillong, 9 Lber:
U MDC ka Mawlai u Bah Process T Sawkmie ha ka 7 tarik mynta u bnai u la leit ban iakynduh ia u Parish Priest Ka Mawlai Parish, kum ka dak ka jingsngew burom ia u, hadien ba ka constituency ka la jied ia u kum u MDC.
U Bah Sawkmie u la kynduh kum ka jingsngew burom ia ka Mawlai Parish bad ruh ban tyrwa ia ka jingiarap na ka bynta ki skul kiba bun kiba hap hapoh ka Parish, namar don bun ki LP skul kiba hap hapoh u Phadar.
Ha kane ka jingiakynduh, u Parish Priest u la pynkynmaw ba ka matti u Bah Process ka nang neh haduh mynta namar ka Maruti Van kaba u ai shiphew snem mynshwa ka dang don bad dang neh haduh mynta.
Ha kane ka jingleit iakynduh jong u Bah Process, la iadon lang ki Rangbah, ki Kertakist, ki dkhot ka Parish Council hi baroh kawei.