Nongstoiñ: Ka Tournament Committee jong ka lympung Rani Motor’s Knock out Football Tournamement (RMKOFT-2018-19) ka don ban pyntip bad ban pynkynmaw ba ia ka jingiakhun ban ioh ia knieh rung phainal ha katei ka lympung kumba la pynbeit kan long ha ka 25 tarik mynta u bnai.
Ki ar tylli ki kynhun ki ban sa iakhun nyngkong ha katei ka semi phainal jong katei ka lympung kan long hapdeng ki ar tylli ki kynhun ba khlain bor jong ka East Khasi Hills kata ka Ryntih Sc pyrshah ia ka Nongrim Hills SCC bad ka por kan long haka 1:30 nohphai sngi.
Katkum ka kyrwoh na u Secretary ka Tournament Committee jong ka RMKOFT u bah P.F Lyngdoh u la ong ba ha kawei pat ka liang ka Tournament Committee kam lah ban khlem da shim da ka rai kaba kham jwat kata da kaba kala hap ban jied ban pyniakhun pat ia ka jingialehkai Quarter Final kaba khatduh bad kaba dang sah kham hadien kata hapdeng ka Laban SC pyrshah ia ka Boca Junior FC bad ka daw hi ka long namar ba kitei baroh ar tylli ki kynhun kila hap ban mih shwa na ka jylla ban leit iakhun ruh ha ki lympung jingialehkai kiba shabar ka jylla kata ha Assam bad ruh ha Manipur.
Katkkum bala ioh jingtipba ki kynhun pat kiba dei ban iakhun ia ki jingialehkai haka semi phainal kaba nyngkong kumba la pynbeit bad bala buh tarik namar kila qualify lane ap lypa sha ka Semi Final bad ruh namar kidei na kawei pat ka Pool, te namar kata ka Tournament committee kala rai ban iaid beit sha khmat ban pyniakhun noh shwa ia ki hynrei pat iaka Quarter Final kaba khatduh hapdeng ka Laban SC pyrshah ia ka Boca Junior SC yn sa pynbeit pat tad haduh ba yn ioh pynbeit pat.