|
Mynta la dei biang ban jied ia ki mdc sha KHADC bad sha JHADC bad nga kum uwei na ki nongshong shnong jong ka JHADC, nga kwah ban shu pyn kynmaw ia phi ki paralok baieid jong ka Jaintia hills district baroh kawei ba naduh ba ngi ioh ia ka JHADC, ngam kymmaw ba ngi jied ia kita ki MDC kiba stad bad shemphang ha kaba thaw ia ki ain bad ki kyndon ban iada ia ka jaid bynriew jong ngi, ia ka khyndew ka shyiap bad kiwei de. Ym ju don kum kita ki briew ki ba stad bad shemphang na ka bynta ka bha ka miat jong ka JHADC jong ngi kaba ki ia pyntrei kam mynta ka long katkum ka ain bad kyndon ba la thaw naduh ka United Khasi bad Jaintia Hills Autonomous District Council, hynrei mynta ki bun ki jnit ki jnat bad amend ia ki existing law and rules, hynrei kaba sngewsih ka long ba ym don ba shemphang ia kane ka kam bad ki MDC mynta kim long kiba shemphang ha kane ka kam kaba long kaba donkam haduh katta katta
Kaba ngi ju iohi ka long ba ki MDC kiba shna ia ka E.C jong ka JHADC, ki ju mushlia tang ia ka jingdon pisa na ka bynta ki development jong ka JHADC bad ki sam para ma ki. Te lada ym don pisa te ki la kut hi, namar kim lah ban manage ia ki jong ki kam bad teng teng na ka fund kaba dei na ka bynta ka tulop ki nongtrei jong ka JHADC, ki ju sliced na ita ruh bad ka jingmih ka long ba lynniar ki nongtrei jong ka JHADC bym tikna ka ioh tulop. Ia kane la practice haduh mynta ruh bad ka tulop ki nongtrei JHADC, ka sah ha arrear position
Ka long kaba sngew lehrain lada ka long shisha kumta ka pynpaw ba ka E.C kam nang ban manage ia ki jingdon kam jong ka.
Namarkata nga thoh ia ine i jingthoh ban pynshai sha ki nong thep vote baieid ban bishar bniah ia ki candidate ha ka jingstad bad jing shemphang ba ki dei ban long kiba lah ban thaw ia ka ain lane ban amend ia ki existing law jong ka JHADC bad kiba lah ban manage ia ki jingdonkam jong ka JHADC, khamtam ha ka finance position bad ki ban kiar miej ha Meghalaya Secretariat man ka por katta lada ki long kiba long kiba well equipped ha ki ain bad kyndon.
Mynta phi tip hi kane ka kam ban jied nongmih khmat kam long shuh kum ba long mynshwa, kata ban ieit ia ka RI bad jaid bynriew hynrei ka long kum ka profession ka ioh kam ioh jam bad ban long currup. Namarkata jied da kiba ieit ia ka jaid bynriew kiba lah long qualified ban shna ain ym dei kiba wad kam wad jam. Ki mdc kiba mynta ki hap ha ka kyrdan wad kam wad jam.
|