Sdang ka Synod Sepngi ha Nongstoin, Mihngi 13-16

Shillong, 7 Lber:
Ka jingiaseng ka KJP Synod Sepngi ka la sdang naduh mynhynin ka sngi palei ha Nongstoin haduh ka sngi u Blei katba ka jingiaseng KJP Synod Mihngi pat kan long ha ka Balang Presbyterian Myn so bad haduh mynta ka jingpynkhreh na ka bynta katei ka jingiaseng bah ka dang iaid shaid shaid. Ka ingiaseng kan sdang naduh ka 13 tarik haduh ka 16 tarik mynta u bnai.
Ka kyrwoh na ki nongpyniaid balang jong ka Balang Presbyterian Mynso ka khot bad ka pdiang sngewbha ia baroh ki paid riew ngeit kham tam ha ka sngi u trai Ba lang, ka la don ruh ka ingpynbeit na ka bynta cki nongwan ha katei ka jing iaseng. LA kyrpad ia ki pra ba ngeit kiba wan na ka thain Nartiang haduh Khanduli ba kin sngewbha ban iaid na Nongjngi bad ynda la poi ha Samatan sa rung na ka surok ban ialam beit sha Mynso ki dei ban pynieng ia ki kali jong ki shapoh shnong. Kiba wan pat na ki thain Shangpung-Raliang kin wan na ka surok uba iaid na Shangpung sha Mynso bad pynieng kali hajan ka Jaka long Jingiaseng. Kiba wan pat na Shillong bad kiwei kwei ba iaid na ka National Highway 44 kin rung na ka Surok na Lad Mukhla bad pynieng ia ki kali ha ki jaka shwa ban poi ka Jaka long Jingiaseng. Ia kiba wan pat lyngba ka shnong Jowai, kin rung na ka shnong Pasyih bad pynieng ia ki kali ha ki jaka shwa ban poi ka Jaka long Jingiaseng. Ka Balang ka la pynbeit ruh ba kito kiba wan shwa ka 9 baje mynstep kin ioh ban rung beit shapoh ka shnong.