Kyntiew kyrdan ia ki skul khlem nonghikai, ujor ka JSU

Shillong,7 Lber:
La pynkiew kyrdan ia ki Upper Primary Schhol sha ki Secondary School ha ki hynriew tylli ki shnong ha ri-Lum Jaintia khlem don nonghikai,kitei ki school ki dei kiba don ha ki hynriew tylli ki shnong ba kynthup ia ka shnong Jwai, Shang pung, Mynso, Mow kaiaw, Sutnga bad shnong Sai pung. La kyntiew kyrdan ia ki lyngba ka scheme Rash triya Madhyamik Siksha Abhiyan,RMSA.
Ha ka jingshisha la mang ban thung 7 ngut ki nonghikai ha kitei ki skul ha u snem 2013 hynrei wat hadien ba la dep ban khot ia ki interview bad ki eksamin ia ki nonghikai haduh mynta ym pat shym la thung wat tang iwei ruh I nonghikai bad la pynkit jubor ia katei ka kam hikai ia ki khynnah pule ha ki nonghikai UP School.
Halor katei ka jingpynkiew kyrdan ia ki skul kiba khlem ki nonghikai, ka Jaintia Student Union ka la ioh buhn ki jingujor na ki kmie ki kpa ki khynnah skul bad katei ka seng ka la leit ban jurip dalade ban lap ia ka jingshisha ha kaba ka la lap ba ha kiwei kiwei ki skul ka sorkar ka la dept hung uwei uwei u nonghikai ha kawei kawei ka skul hynrei ha Saipung ym pat shym la thung wat tang uwei u nonghikai ruh. Ka seng ka la ong ba katei ka jingleh ka tnad pule puthi ka pynduh nong bad ka ktah jur ia ka pule ka puthi ki khynnah skul. Kumta ka seng ka dawa na ka Sorkar bad ka tnat pule puthi ban thung noh ia kine ki nonghikai la kumno kumno saw ngut ha man la kawei pa kawei ka skul (ar ngut na ka science stream bad ar ngut na ka arts stream) hapoh hynniew sngi bad kumjuh ban tei noh ia ki Classroom bad ka Laboratory ha baroh kine ki skul kaba long kawei na ki jingdonkam jong ki khynnah katkum ka course jong ka MBOSE kaba mynta bad lada ka sorkar kam lah ban leh ia kane ka Seng hi kan sa hap ban shim da kiwei ki lad na ka bynta ka jingbha jong ka pule puthi bad ka lawei jong kine ki khynnah.