Ai Polio ha East Khasi Hills

Shillong, 7 lber:
Ka Ophis jong U District Medical & Health Officer, East Khasi Hills, Shillong kan pynlong ïa ka prokram pyndih dawai polio ha ka 10 tarik u Lber, 2014 naduh 9 baje myn step haduh 4 baje janmiet ha ki jaka ba lah buh kyrpang ha baroh ki shnong hapoh ka district bad ban pynbud pat sa da ka jingleit wad sha man ki thliew iing ha ka 11 tarik bad 12 tarik u Lber, 2014. Ka tnad ka koit ka

khiah ka la kyrpad baroh ki Longkmie ki Longkpa ba kin wan ïalam ïa ki khun jongki kiba hapoh 5 snem ka rta ban pyndih dawai polio ha ki jaka ba la pynbeit hapoh ka shnong jong ki. Kumjuh ruh la kyrpad ïa baroh ki Rang bahshnong, Ki Seng bha lang, ki Rangbah Niam ba kin ïa snoh kti lang bad ka Tnat Ka Koit ka Khiah ha kane ka prokram khnang ba ngin lah ban ai jingiada ïa ki khun jongngi na u khniang jingpang polio bad ban pynduh shi syndon ïa une u khniang na kane ka sla pyrthei.