Shillong: Ka Khun Hynniewtrep National Awakening Movement, Central Executive Committee ka pyntip ba ka KHNAM State Youth Wing kaba la jied da ka General Convention kaba la long ha ka 28 Kyllalyngkot 2017, hapoh ka jingialam u Bah Thomas Passah kum u President ka dang treikam pura haduh mynta.
Ka jingpyllait khubor ban ia jied thymmai ia ki nongkitkam ka State Youth Wing ha ka 15tarik Kyllalyngkot 2019 ka long tang ka jingialam bakla bad ym shym la aibor da ka CEC. Kumta kano kano ka jingjied thymmai kan ym ioh ia ka jingithuh (recognition) na ka CEC.
Ka Seng ka pynthikna sa shisien pat ba ki kyrtong ka KHNAM nakabynta kane ka election MDC na Jaiaw bad Mawkhar- Pynthorumkhrah Constituency ki long beit u Bah Thomas Passah bad Bah Rocky Hek, ong ka kyrwoh na U Bah Bah Pyndapborthiaw Saibon, President, KHNAM, Central Executive Committee.