|
Shillong: Ka lawei ka Shillong Lajong ha ka lumpung i-league kala don ha ka jingsynjor namar ba ka paw ba ka dei kawei na ki kynhun kaba tlot tam ha kane ka samoi.
Ha ka jingiakhun mynta ka sngi, ka Lajong ka la shah pynbam haduh 0-3 ha ka Indian Arrows bad kane kala pynpaw ba ka Lajong kala tlot palat. Ka la shah rem ha ka jingiakhun kham mynshwa ha kane ka kynhun kaba niew kum kawei kaba kham tlot bha.
Ha ka jingiakhun mynta ka sngi ha JN Stadium, Shillong, ka Indian Arrows kala ioh ban thep ha ka 18 Minit ka kyllastep da u VP Singh bad hadien kala ioh ban thep biang ha ka 32 da u Lalengmawia bad sa kawei shwa ban wai ka kyllastep ha ka 45+ 2 da u N Metei ban pynlong 3-0 ha kaba kut ka kyllastep.
Ha ka kyllamiet, baroh kim lah shuh ban thaw pyrthei haduh ban da kut syndon.
Haduh mynta ka Lajong kala ialeh 12 sien bad ka jop shisien, ka iakhaid shisien bad ka la shah rem naphang bad ka don ha trai duh ka miej iakhein point kaba long tang 4 point.
|