Ka Liverpool, ka la jop hynnin ka sngi pyrshah ia ka Brighton, ha ka jingialehkai jong ka English Premiere League. La thep ia ka kol jong ka Liverpool, da U Mohammed Salah, da ka jingshut penalty ha ka minit kaba 50.
Ha kawei pat ka jingialehkai ka Chelsea, ka la pynliem ia ka New Castle da 2-1, ha kaba U Pedro, ula ioh ban thep kol ha ka minit kaba 9 bad U Willian ha ka minit kaba 57, katba ia ka New Castle, la ioh thep da U Claran Clarke ha ka minit kaba 40.
Lyngba katei ka jingjop ka Liverpool, kaba wan ha khmat duh ha ka jingialeh Premiere League, ka ioh 57 point bad ka Manchester City da 50 point, katba ka Tottentham Hotspur ka ioh 48 point bad ka Chelsea ka ioh 47 point.
Ka Tottenham, kan ia khun pyrshah ia ka Manchester United ha ka Sngi U Blei, katba ka Manchester City, kan iakhun ia ka Wolwerhamton Wanderers ha ka Lah Sngi U Blei.