| Shillong: Ka Shillong Lajong kan iakhun ia ka Indian Arrows ha ka 13 tarik Kyllalyngkot ha JN Stadium Shillong por 2 PM jong ka lumpung i-league.
Kine baroh ar kynhun ki dei kiba kham poi sha tduh ha ka jingkamai point ha kane ka lumpung haduh kine ki sngi. Ha ka jingiakhun ba la dep, ka Lajong ka la shah rem da 1-2 kol. Ha ka jingiakhun dang shen, ka Indian Arrows ka la shah rem ha ka East Bengal (1-2) ha Bhubaneswar katba ka Shillong Lajong ka la shah rem ha ka Neroca FC da 3-2 ha Imphal. Na ka liang u Coach ka Lajong u bah Alison Kharsyntiew u la ong ba ka long ka jingialehkai kaba donkam bha ia ka Lajong ha kane ka sngi u blei ba kan ioh ia ka jingjop bad ka donkam ia ki nongialehkai ka Lajong ban iakhun dohiap. Haduh mynta ka lynti iaid jong ka Lajong ka la don hapdeng ka jingeh bha namar ba ka la shah rem la jan baroh ki jingialehkai lait noh tang shisien ba ka la ioh ia ka jingjop. |
