Ap ka sorkar ia ka Water Policy, na ka jingai jingmut ki ADC

Shillong, 25 Rymphang:
Ka sorkar jylla ka dang ai jingmut jong ki Autonomous District Councils shwa ban pyntreikam ia kaWater Policy.
“Ia mynta ki lai tylli ki district council kin aiti ia ki jingai jingmut sha ka sorkar shwa ban shim ia ka rai ba khadduh”, la ong u Symbud Myntri Rang bah ka jylla ba peit ia ka Water Resources u Bah Rowell Lyngdoh.
U la iathuh ba ki la bthah ia kawei ka tnad sorkar ban pynlong ia ka jingiakren bad ki district council halor kane ka policy.
“Ngi khmih lynti ban pyndep ia kane ka kam. Ngin shna ka policy kaba biang hadien ba la ioh ia ka jingai jingmut jong kine ki Councils,”, la ong u Bah Lyngdoh.
U la ong ba la dep sam sha baroh ki tnad sorkar halor kane ka policy.
“Ngi kwah ba kin pule bniah biang lada ki don shuh shuh ki jingai jingmut halor kane”, la ong u Bah Lyngdoh.