Shillong: Ki dkhot ka jong ka COHSO, mynta ka nohsngi, kiba don kumba 50ngut eiei, ki la leit ieng pyrshah bad deng lama ha khmat jong ka ophis ka BJP ha Bivar Road, kum ka dak ka jingsngew pyrshah jongki, halor ka jingthmu ban pyntrei kam ia ka Citizenship (Amendment) Bill 2016 da ka sorkar India.
Ki dkhot jong ka COHSO, ki la ia pyrta kum ka jingsngew pyrshah bad ki ia pynieng ia ki lama jingthoh pyrshah ia katei ka seng. Kitei ki dkhot, kim shym la ia don slem satia ha katei ka jaka bad kham hadien ki la ia pra noh na khmat ophis jong katei ka seng.
