Lah ban tam bun ka UDP bad ka Congress, yn bud u Sing ha ka jingbun paidbah

Shillong, 24 Rymphang:
Ha kane ka elek shon, ka jingiaknieh ban jop bun ngut ki MDC kan long hapdeng ka UDP bad ka Congress hynrei na ka liang u Sing ruh u lah ban bud na kine.
Ha Mylliem Konsti wensi iamat ka jingiakhun ha kan long hapdeng u Sing jong ka HSPDP ka Kong Teilinia Thangkhiew bad ka Bom jong ka UDP u Bah Hamletson Dohling.
Ka Kong Teilinia ka dei ka MDC ba mynta katba u Bah hamletson Dohling u dei u nongialam barim jong ka seng KSU hynrei u kyrtong jong ka Congress u Bah Jonas Steven Syiem ruh ym lah ban khein jem namar u ioh ka jingkyrshan na u MLA Bah Ronnie Lyngdoh.
Kine ki arngut ki la khlain bun bun jaka bad ym lah ban tip mano ban khnieh ia u nam tam. Ka lyer jong u kyrtong jong ka Congress ka la kham pjiah namar ba u MLA Bah Ronnie u la weng noh ia ka jingthmu ban iakhun MDC wat hadien ba u la ioh ticket da kaba pan tiket ban iakhun MP.
Lada ka Kong Telinia ia ki vote kiba ka la ioh myn h kane ka elekshon ba ladep ka lah ban poi sha ka thong hynrei lada ki shah pynpra ha ka UDP ne ha kiwei ki kyrtong ka lah ban iakynduh jingeh.
Watla katta ym lah ban ong hynrei kan shong ha ka 27 tarik ka sngi niew vote mano ban jop mano ban rem.
Ha kawei ka liang haba phai ha ka Sohra konstiwensi imat ka lyer ka lah ban leirt sha u MDC ba mynta uba dei ruh u MLA u Bah Titosstar well Chyne.
Kumjuh ruh ia ka Shella lah ban wan biang u Bah Teinwell Dkhar ka UDP katba ha Sohiong lah ban wan biang u Bah HDR Lyngdoh ka Congress bad ruh ka Mairang lah ban wan u Bah Metbah Lyngdoh uba dei ruh u MLA na ka UDP.
Ha Pariong Mawthadraishan ka jingiakhun kan long hapdeng ka HSPDP ka Kong Fenela L Nonglait bad ka UDP Bah H Brolding Nongsiej.
Na Nongskhen ka jingiakhun kan long hapdeng lain gut u Sing ka kong Grace Mary Kharpuri badei ka mDC ba mynta, ka UDP Kong Banalari Khongwar bad u Congress Bah Anthony Kongwang.
Shuh shuh ka jingiakhun ha Mawkyrwat kan long hapdeng ka UDP Bah Hadrian Lyngdoh bad ka Congress Bah diverland Lyngdoh, katba ha Langrin kan long hapdeng ka UDP u Bah Probin K Raswai bad u MDC ba mynta Bah Manstudy Nongrem ka Congress. Ha Nongstoin kan jingiakhun kan long hapdeng u Sing Bah LG Nongsiej bad ka Congress u Bah Advisr Pariong. Kumjuh ha Rambari-Jyrngam kan long hapdeng u Bah KP Pangiang u MDC ba mynta bad u kyrtong ka Congress Bah Kimfa Syney Marbaniang. Ha Mawsynram kan long hapdeng u CEM Bah Pynshngainlang Syiem ka Congress bad u Bah Suly Lyngdoh ka NPP.
Ha Mawphlang-Diengiei kan long hapdeng ka UDP bah Braston Kharphuli bad ka Congress Bah Lamphrang Blah. Ha Mawhati ka lah ban long hapdeng u kyrtong shimet Bah James Sylliang

bad ka Congress Bah RB Shadap bad u MDC ba mynta Bah Otril Pamshong ba iakhun shimet ba kyrshan u MLA ba Bah JK Dorphang. Ha Umsning kan jingiakhun kan long hapdeng u UDP bah Donkuar Sumer, bad ka Congress u Bah Dipul Ryntathiang, katba ha Nongpoh kan long hapdeng ka Kong Rona Khymdeit ka UDP bad ka Congress Bah Augustine Wahlang bad ha Jirang kan long hapdeng u Bah Victor Ranie bad Albertus Lapang kyrtong shimet, kumjuh ha Umroi kan long hapdeng ka UDP Bah Kiorsing Hinge, bad u Albinus Lyngdoh ka Congress.
Ha Sohryngkham, kan long hapdeng u kyrtong ka Congress Bah Marbok Kharpan, u UDP Bah David Kharshati. Ha Nongkrem kan lah ban leit biang sha u MLA ba mynta u Bah Ardent M Basaiawmoit na ka HSPDP watla ka don ka jingiakhun kaba jur bad u Bah Lambor Malngiang ka Congress bad na Mawkynrew ka jingiakhun ka long hapdeng u Bah Remington Pyngrope na ka UDP uba dei u MDC ba mynta, u kyrtong ka Congress Bah Banteidor Lyngdoh bad ka HSPDP u Bah Martle N Mukhim.