|
Jingiaid lynti jong phi jong nga,
Ha ki sngi baroh shi katta
Kumno ia ki ngi la pynlut?
Naduh ba sdang haduh bakut.
Ka thong ngi buh naduh basdang,
Hato katno sien ngi pyrshang?
Ngi kut jingmut ban im babha,
Hynrei bunsien ngi iaid bakla.
Laispah hynriew phewsan ki sngi,
Shi snem U Blei u ai ïa ngi;
Ryngkat ki Saw aiom phyrnai,
Por Tlang, Lyiur, Pyr-em, Synrai.
Burom Nongthaw wat nym leh klet,
Watla ki sngi sha jngai ki phet;
Kyrmen ki jingkyrkhu kin tuid,
Ki sngi ban wan, kum i wahduid.
|