Shillong: Ka kynhun ialehkai ka Meghalaya ka la shah rem noh ha ka Bihar bad ha ka Puducherry ha ki lympung ialehkai U-19 Cooch Behar Trophy bad ka U-23 Col. CK Nayudu Trophy.
Ha ka jingiakhun ha ka Cooch Behar, ka Bihar ka la tied nyngong 404 ron bad u Abhishek 5/89, ha kaba u Sudhir Sahani u kamai 4/117 bad Aryan 1/95, ki la ioh ban khur ia ki wiket.
Haba la wan ban tied, ha ka pali ba nyngkong ka Meghalaya ka la lah ban kamai 183 ron bad haka pali kaba ar ka la lah ban kamai tang 43 ron bad pynlong ïa ka Bihar ban jop da 178 ron.
Ka namrem ka la mih paw ruh hakhmat ka kynhun ïalehkai ka Puducherry naka bynta ka U-23 Col. CK Nayudu Trophy ha kaba ka Meghalaya ka la liem da 93 ron.