|
Jowai: Ka Sein Kyntu Sein Raij 12 Daloi ha ryngkat ka jingiatrei lang bad ka ophis jong ka Indian Council for Cultural relation bad ka Sanskar Bharati Meghalaya ka la pynlong ia ka programme ban rakhe ia ka sngi iap 156 u khla wait ki Ri Lum Jaintia u Woh Kiang Nangbah, ha kaba ia kane ka prokram la pynlong ha phyllaw ka ophis treikam jong ka ha Thadmuthlong C Phramer West Jaintia Hills District. Ia kane ka prokram la pyniaid ia ka da u Rgh, Mario Biam President ka Sein la ioh ia ka nguh Blei Dem Blei na U Rgh Wanbha Lyndoh u Langdoh Niam ka Raij Mukhla bad bud la ioh ia ka jingkren pdiang burom da u Rgh Meliyo Lyndoh u ba long ruh u Secretary ka Education Committe. La ioh ruh ia ka jingkren bad batai sha phang ka jingim u Woh Kiang Nangbah bad kumno u iap kum u riew shlur ha ka sorkar Phareng ha ka por ba u ia khun pyrshah da ka thma bad ka Sorkar Phareng ban iada ia ka niam ka rukom ka dustur ka Riti bad bud sa ka jing buh ia u Syntiew ha ka dur jong u Woh Kiang Nangbah ha phyllaw ka Seng te na ka Sein Kyntu Sein Raij 12 Daloi ka la buh ia u Syntiew da ki Arngut ki kni ka Sein kita u Rgh Bud Chyrmang bad u Rgh Dr. George L. Niang bad bud sa naki tnad Sein Raij na ka Sein Raij Muthlong, Sein Raij Pammanik, Sein Raij Mukhla bad Sein Raij Dienchynrum, ia ki kyntien ai khublei la ioh na u Rgh, Treyo Lyngdoh Treasurer ka Sein. Ha ka jan miet ha ka por 4:30 la dang ia ka jingialag ha shwa ban sdang ban pyni ia ka Drama shaphang u Wohkiang Nangbah, ha kane ka jingialang, la pyniaid da u President ka Sein bad la ioh ia ka jingkren lyngkot na u Rgh, Rijant Kyndait Asst Secretary ka Sein bad la ioh ruh ia ka jing kren na u Working President ka Sein Sanskar Bharati Meghalaya da U Dr.M. Tyngkan, bad la ioh ruh ia ka jingkren na u N.Munish Singh Regional Director Indian Council for Cultural Relation North Eastern Region Shillong bad bud pat la ioh ia ki kyntien ai khublei na u Rgh Standby me Sari Publicity Secretary ka Sein. Ha kane ka prokram la wan ban ia shim bynta ruh da u Organising Secretary ka Sanskar Bharati Meghalaya State Rgh, Aproland Dohling, u Rgh, Sumar Singh Sawian, Rgh, Heibormi Sungoh President ka Sanskar Bharati Meghalaya Sate, Rgh Pearlet Toi P General Secretary Sanskar Bharati, kong Mera Siangshai Treasurer ka Sanskar Bharati Meghalaya u Depak Sharma Organising Secretary North East Sanskar Bharati.
|