Ba don kiba thmu pynthut elekshon, pan jingiarap ka jylla na ka Assam

Shillong, 20 Rymphang:
Sa shisien biang ka tnad elekshon ka sorkar jylla ka la ia shong jingia lang ban pyrkhat ban pyniaid beit ia ka elekshon MDc ka ban sdang ha ka 24 tarik mynta u bnai, ha katei ka jingialang ka tnad elekshon ka la shim ba ka long kaba donkam ban ia treilang bad ka Assam na ak bynta ban pyniaid beit ia ka elekshon khamtam ha kito ki jaka khappud jong kitei ki ar tylli ki jylla. Ka sorkar jylla ka la hukum ruh ia baroh saw ki DC ban peit ba kan ym don mih kano kano ka jingkulmar ha ka elekshon ha ki bynta ba don ka jingkynad namar u pud u sam hapdeng ka Assam bad Meghalaya.
“Ngi la ioh khubor ba kin don bun ki kynhun ki ba la thmu ban pynkulmar bad ban khanglad ia ka jingthep vote , da ka jingthmu ban pynthut ia ka elekshon” ong u Commissioner & Secretary in-charge jong ka tnad elekshon u bah Jopthiaw Lyngdoh . U bah Lyngdoh u la pynthikna ruh ba la pynkhlain ia ki bor pahara khamtam ha ki jaka jong ka Ri-Bhoi-Karbi Anglong bad West Jaintia-Karbi-Anglong, ki thain khappud bad ka Assam.