Siat iap ka GNLA ia 2 ki ANVC-B, shah kem 4 ngut ki dkhot ka ASAK

Shillong, 19 Rymphang:
2 ngut ki dkhot ka ANVC-B ka kynhun lehnoh kaba la pait na ka ANVC bki la shah siat iap ha ka kynhun lehnoh ka Garo National Liberation Army,GNLA mynta ka sngi ha ki thain ka San kinigre. La ong ba ka daw jong ka jingsiat iap ki GNLA ia kitei ki 2 ngut ka dei namar ka jingkynnoh ba ki la dawa pisa ha ka kyrteng ka GNLA. Kitei ki 2 ngut kiba la shah siat iap la tip kyrteng kum u Belbong bad u Raga.
Ha kawei pat ka khubor, 4 ngut ki dkhot jong ka A’chik Songna An’pachakgipa Kotok (ASAK) ka kynhun lehnoh kaba la pait na ka GNLA kaba la ialam da u Finance Secretary barim ka GNLA u Reding T Sangma mynta ka sngi ki la shah kem ha ki pulit SOT bad SWAT. Ki saw ngut ki dkhot ka ASAK kiba la shah kem la tip kyrteng kum u Lucky R Natal, Netun R Sangma,
Damin Ch Sangma bad u Elkin K Sangma. La kem ia ki na Rongkhugre, ka shnong kaba jngai kumba 19 km na Tura.
U SP ka West Garo Hills u Mukesh Singh u la ong ba ki pulit hadien ba ki ioh jingtip shaphang ka iaid ka ieng kitei ki kynhun lehnoh, ki pulit special operation team (SOT) ryngkat bad ki pulit special weapons and tactics team (SWAT) ki la pynlong ia ka ijngkhynra kaba jur ha katei ka jaka haduh ba ki la ioh kem ia ki, “Ngi dang iai tohkit ia kiteiki 4 ngut” ong u SP.Na kitei ki 4 ngut ki pulit ki la ioh ban kurup kawei ka pistol 9 mm , kawei ka 7.65 ,bad kiwei pat kynthup ia ki shithi dawa pisa jong ka ASAK bad ka GNLA.