Shillong:Ka kynhun ialehkai phutbol jong ki khynnah shynrang ka Shillong College Higher Secondary Education and College kin mih mynta ka sngi ka 28tarik ban mih khmat na ka East Zone I ha ka lumpung jong ka National Championships jong ka Reliance Foundation Youth Sports Football, ka ban sa long ha Reliance Corporate Park, Navi Mumbai naduh ka 29tarik Nohprah haduh ka 7tarik Kyllalyngkot 2019.
Ka college ka pynpaw ka jingsngewnguh ia u Bah Banteidor Lyngdoh, myntri ka tnad ialehkai na ka bynta ka jingiarap jong u bad bteng ban ai ka jingkyrshan.
Ka College ka pynpaw ruh ka jingsngewnguh ia ka W.A.M. Booth, ka Director jong ka Sports & Youth Affairs bad u Bah Arki Nongrum, CEO ka Meghalaya Football Association na ka bynta ka jingiarap jong ki ban ai jaka ia ki khynnah ban kilan met. Kumjuh ruh ka college ka pynpaw ruh ka jingsngewnguh ia ka Kong Ampareen Lyngdoh, A.A. Enterprise, Bah D. Wartde na ka bynta ka jingsbun jong ki ban noh synniang ha ka jingpynkhreh jong ka kynhun.