Ba leh kyllut ka sorkar rung lehnoh ki sengbhalang

Shillong, 19 Rymphang:
U Ma Tuesday Lytep, President HYPF,Jaitnia hills u la kynnoh ba ka jingrung lehnoh jong ki sengbhalang bad ki samla ka Ri dei halor ka nongrim jong ka jingleh kyllut bad ka jingleh bym patiaw ka sorkar kaba la ialam da u Dr,Mukul Sangma kum u Myntri Rangbah. U Ma Lytep u la ong ba ka sorkar kam shym la kwah ban ia kren halor ki jingiakhih jong ki sengbhalang bad ki kam kim ju paw hynrei ki shu kut beit tang ha ka miej jingiakren, bad ka sorkar ka shim pynban da ka lynti ban phah kem bad thwet ia ki, u la ong ba ka sorkar ka dei ban kit khlieh halor ka jingrung lehnoh ki sengbhalang.
Shuh shuh u ma Tuesday ula ong ba ka jingshim jong u samla Fedrick Kharmawphlang, Vice President ka KSU seng kmie ia ka lynti ban rung ha ki kam kieng atiar kan khring shuh shuh sa ia kiwei pat ki samla lada ka sorkar kam lah ban pynthymmai ia ka rukom treikam jong ka hapoh ki por bad ki ia kiba biang. “Lada ki samla ka ri Hynñiewtrep Hynñiewskum kin iaid ia katei ka lynti ka jingkynnoh kan long beit pyrshah ia ka sorkar bad ka jingkitkhlieh hi kan long sha u Myntri Rangbah ka jylla u Dr. Mukul Sangma” ong u Ma Tuesday Lytep.