Ha ka jingialehkai jong ka English Premiere League hynnin ka sngi, ka Liverpool, ka la pynliem ia ka New Castle da 4-0 bad ia ki kol jong ka Liverpool, la ioh thep da U Dejan Lovren ha ka minit kaba 11, U Mohammed Salah ha ka minit kaba 47, da ka jingshut penalty, U Sherdan Shaqiri ha ka minit kaba 79 bad U Favinho ha ka minit kaba 85.
U Paul Pogba, u nong ialehkai ka Manchester United hadien ba ula ioh thep kol.
Ha kawei pat ka jingialehkai ka Chelsea, ka la pynliem ia ka Watford da 2-1, ha kaba U Eden Hazard, ula ioh thep ha ka minit kaba 45+1 bad nangta sa ha ka minit kaba 58 da ka jingshut penalty, katba ia ka Watford la thep da U Ronerto Pereyra ha ka minit kaba 45+3. Ha kawei pat ka jingialehkai la Leicester City, ka la pynliem da 2-1 ia ka Manchester City, ha kaba U Marc Albrighton, ula thep ha ka minit kaba 19 bad nangta sa U Ricardo Damingos Barbosa Pereira ha ka minit kaba 81, katba na ka liang jong ka Manchester City, la ioh thep da U Bernardo Silva ha ka minit kaba 14. Ka Tottenham, ka la pynliem da 5-0 ia ka Bournemouth bad la thep ia ki kol da U Christian Eriksen ha ka minit kaba 16, U Son Heung Min ha ka minit kaba 23 bad kaba 70 bad nangta U Lucas Moura ha ka minit kaba 35 bad U Harry Kane ha ka minit kaba 61, nangta ka Manchester United, ka la pynliem ia ka Huddersfield da 3-1 bad la thep ia ki kol da U Nemanja Matic ha ka minit kaba 28 bad da U Paul Pogba ha ka minit kaba 64 bad 78, katba ia ka Huddersfield la thep da U Mathias Jurgensen ha ka minit kaba 88.
Haduh mynta ka Liverpool, ka wan ha khmat duh, da kaba ka ioh 51 point, ka Tottenham Hotspur, ka wan ba ar, da kaba ka ioh 45 point, ka Manchester City ka wan ba lai, da kaba ka ioh 44 point bad ka Chelsea ka wan ba saw, da kaba ka ioh 40 point.
Ha ka jingialehkai ka Serie A ka Juventus, ka la ia khaid da 2-2 pyrshah ia ka Atalanta, ha kaba U Christiano Ronaldo, ula mih kham hadien bad ioh ban thep ia ka kol na ka liang ka Juventus.