Ka jingialehkai jong ka English Premiere League, ka la pynkyndit ia ki riew ieid jong ka Manchester City, haba ka City, kaba dei kawei na ki club kaba wan ha khlieh duh, ka la shah rem da 3-2 ha ka jingiakhun pyrshah ia ka Crystal Palace. Ha ka jingialehkai ka City, ka ioh thep kol lyngba U Ilkay Gundagan ha ka minit kaba 27 bad U Kevin De Bruyne ha ka minit kaba 85, katba ia ka Crystal Palace la ioh thep da U Jeffy Schulpp ha ka minit kaba 33, U Andros Townsend ha ka minit kaba 35 bad U Luka Milivojevic da ka shut penalti ha ka minit kaba 51.
Ha kawei pat ka jingialehkai ka Manchester United, ka la pynliem ia ka Cardiff da 5-1, ha kaba la ioh thep kol na ka Man United da U Marcus Rashford ha ka minit kaba 3, U Ander Herrera ha ka minit kaba 29, U Anthony Martial ha ka minit kaba 41, U Jesse Lingard ha ka minit kaba 55 bad ka jingshut penalty ha ka minit kaba 90.
Ha kawei pat ka jingialehkai ka Chelsea, ka shah pynliem ha ka Leicester City da 1-0, ha kaba la ioh thep kol da U Jamie Vardy, ha ka minit kaba 51.