Yn rakhe dap 25 snem ka Seng Khasi Riwar

Shillong, 18 Rymphang:
Ka Seng Khasi Ri war Mihngi kan rakhe ia ka jingdap 25 snem ha ka 26 tarik Rymphang, 2014 ha Riwar Seng Khasi Secondary School, Rangthyl liang ha ka por 10 baje mynstep.
Ka Seng Khasi Ri war ka kyntu bad ka iawer ia ki para seng na jan bad na jngai khamtam kiba dei na ka thain ba kin iapoi khnang sha kane ka sngi.
Ka jingwan jong ki kan pynlong ia kane ka jingrakhe kaba phuh ba phieng bad kaba shongkun ban ai mynsiem ia ki para seng.
Kane ka long kat kum ka kyrwoh na u Bah L Mawkon u secretary ka Seng Khasi Riwar Mihngi.