“Ngam sngew dei ban iakren halor ka jing iapher jong ka rta bad katei ka long hi ka jingshisha, ba ki arngut ki briew, ki don ka jingiapher, naduh ka rta, ka jinglong jingman, ka jing iaid lynti ha ka jingim jongki bad ka kolshor ruh kumjuh, hynrei kitei ki dei kiba donkam ban sngewthuh bad ban pdiang kumba ki long. Ki don ki jinglong kiba rim jongphi, kiba phi dei ban weng noh, na ka bynta ban pynlong ia ka jingiadei kaba khlain bad kaba iaid beit bad ka long kaba donkam ia kaba ieid jongphi, ba kan sngew hun mynsiem bad ba kan ioh ia kaei kaba ka kwah” ong U Milind Soman, uba ia poi kha bad ka Anikta Konwar, kaba dei hi na Assam.
U Milind Soman bad ka Ankita Konwar, ki ia poi kha ha ka 22tarik Iaiong ha ka shnong Alibaug. U Milind, ula shah kren bein har rukom, halor ka jing iadei jongu bad ka Ankita, namar ba ialade, ula don 52snem ka rta, katba ka tnga jongu, ka dei kaba dang shiteng jong ka rta jongu; hynrei kitei kim shym la pynleit jingmut satia bad ki ia poi kha donburom.
Kane ka dei ka jing ia poi kha kaba ar jong U Milind, ha kaba ula ia pyllait noh bad ka Mylene Jampanoi, ka aktress kaba na France, ha u snem 2009.