Ka Liverpool, ka la poi ha khlieh duh jong ka jingialehkai English Premiere League, da kaba ka la pynliem ia ka Manchester United da 3-1 ha ka jingialehkai kaba hynnin ka sngi. Ia kol la thep da U Jesse Lingard ha ka minit kaba 33 na ka liang jong ka United, katba ia ka Liverpool la thep da U Sadio Mane ha ka minit kaba 24 bad nangta sa U Sherdan Shaqiri ha ka minit kaba 73 bad kaba 80.
U Jose Morinho, u nonghikai ka Man United bad U Jurgen Klopp, u nonghikai ka Liverpool.
Ha ka jingialehkai ka Chelsea bad ka Brighton, ka Chelsea, ka la jop da 2-1 ha kaba la thep kol da U Pedro ha ka minit kaba 17 bad U Eden Hazard ha ka minit kaba 33, katba ia ka Brighton la thep da U Solomon March ha ka minit kaba 66.
Mynta ka Liverpool, ka la wan ha jrong duh ha ka jingioh point, ha kaba ka ioh 45, katba ka Manchester City 44, ka Tottenham kaba wan ba lai, ka ioh 39 bad ka Chelsea kaba wan ba 4 ka ioh 37 point.
Ha kawei pat ka jingialehkai ka Barcelona, ka la pynliem ia ka Levante da 5-0 ha ka ialehkai Laliga, ha kaba ia ki kol la ioh thep da U Louis Suarez (35), U Lionel Messi (43, 47, 60), U Pique (88).