U Tarak Jaiswal, ula trei la 8 snem kynthih ha State Bank of India bad ha kine ki 8 snem, U Jaiswal, uba don 35snem ka rta, u dei U Senior Assistant Manager ha ka tnat jong ka Bank ha Memari, kaba don 82 Kilometre na Kolkata jong ka West Bengal bad ha kine ki 8snem ba ula don ha katei ka Bank, ula tuh ia bun bah ki pisa khutia bad ha katei ka jingkhein ka la poi sha ka T.84lak.
Na kitei ki pisa tuh jongu, ki kynthup ruh ia ki khutia ba T.10, ha kaba ula lum 840,000 kitei ki khutia ha ki 17 bnai ba ladep lane kaba long 50,000tylli ha ka shibnai lane 2,000 ha ka shisngi lada khein antad ia ki sngi trei kam kiba long 25 sngi.
La kem ia U Jaiswal, ha ka sngi thohdieng bad haba la tohkit, u iathuh ba ia kitei ki pisa khutia, u pynlut ha kaba thied tiket khalai nusip. Mynta U Jaiswal, ula shah kem bad un don ha ka jingtohkit ki pulit san sngi kynthih.