Bthei ka liengsuin ha Nepal, iap 18

Kathmandu,
16 Rymphang:
Ka la don ka jingma bad ka jingsngew artatien ia ki 18 ngut ki briew kiba shong ha kawei ka liengsuin , kaba la bthei mynta ka sngi. Katei la liengsuin kaba long ban shong tang 19 ngut ki briew ka la mih na kawei ka jaka jngoh kai kaba pawnam ban leit sha kawei ka nongbah jong ka western Nepal. La ong ba ha katei ka liengsuin la don ruh iwei i khyllung bad uwei u bar-ri. La iathuh ruh ba ka daw jong ka jingbthei noh katei ka liengsuin ka lah ban dei na ka jingthut palat ka suin bneng.
Ka Twin Otter of Nepal Airlines ka la mih na Pokhara airport ha ka por 12:40 nohphai sngi bad ka la shu jah rngai la kumba 15 minit eiei. “ Ka liengsuin kaba don 15 ngut ki nongshong ryngkat bad 3 ngut ki nongtrei ka la mih ha ka por 12:40 janmiet na Pokhara airport kam shym la lah ban bat ia ka jingai dak u airport tower minutes hadien ba ka la her sha suin” ong ki heh jong ka Nepal Airlines.
La lap ia katei ka liengsuin ha kawei ka khlaw ha Khidim kaba hap hapoh ka Arghakhanchi district. Haduh mynta ym pat shym la ioh jingtip ia ka jinglong jingman ki briew kiba shong ha katei ka liengsuin , hynrei ka la don ka jingsngew tieng bad ka jingartatien ioh ba lehse kitei ki 18 ngut ki la iap. Ha katei ka liengsuin ki la don 14 ngut ki Nepali ryngkat iwei i khyllung bad uwei u dohlieh na ka Ri Denmark.