Kmen ka UDP ba phet seng ki nongialam

Shillong,16rymphang:
Ka UDP Pyndenum jarain Zonal Unit kaba kynthup ia ka thain Warsanlyngdoh ha ka kyrwoh ba la phah da u President UDP Youth Wing u bah thrangbor Wanniang bad u Secretary u bah Mon k ala pynpaw ia ka jingkmen haloe ka jingphet seng jong ar ngut ki dkhot ka seng u bah Roshem Myrthong bad u bah C. S. Sangriang.
Ka kyrwoh ka la kam ba ka jingphet seng jong kitei ki ar ngut ka la long ka jingkyrkhu ia ka UDP ha katei ka Zonal Unit namarba ba ka la kam ba ki dkhot jong ka seng kim sngewtynnad ia ka jinglong nongialam jong kitei ki ar ngut bad la kynnoh ruh ba ki dei ki briew kiba khwan tang na ka bynta ka jingmyntoi shimet jong ki.
Ha ka kyrwoh la kam ruh ba ka UDP Pyn denumjarain zonal unit ka la nangkhlain shuh shuh ha katei ka thain hadien ka jingwan pyniasoh kumba 30 ngut ki dkhot ka HSPDP, 47 ngut na ka NPP bad 25 ngut na ka Congress, bad la kam ruh ba katei ka jingwan pyniasoh jong ki dkhot jong kiba bun ki seng ka Party ka don ka jingkyrmen ban jop ha kane ka elekshon MDC 2014 na Langrin konstitwensi.