Shillong:Ka PFR Soccer Camp bad ka Sunny Dale School haka Category 7 snem bad ka PFR Soccer Camp ha ryngkat ka Onside Football haka Category 10 snem ki la ioh ban rung sha ka final jong ka Nissan Junior Cup bala pyniaid daka Pay For Right Shillong hadien ba kitei ki kynhun kila ioh ban khur iaka jing jop haka jingia khun semi final kaba la long hynnin ka sngi ha madan Shillong Public School.
Haka jingialehkai semi final jong ka Category 7 snem ka PFR Soccer Camp ka la pynliem noh iaka PFR Team B da 2-0 kol. Iaka nam player of the match la ioh da u Damebandon Mawkhroh naka PFR Soccer Camp. Ha kawei pat ka jingialehkai semi final jong ki 7 snem ka Sunny Dale kala pynliem noh iaka St’Thomas da 4-0 kol. Iaka nam player of the match la ioh da u Gerald naka Sunny Dale
Haka jingialehkai semi final jong ka Category 10 snem ka Onside Football kala pynliem noh iaka PFR Team B da 10-0 kol bad iaka nam player of the match la ioh da u Winchester Marak naka Onside Football katba ka PFR Soccer Camp kala pynliem noh iaka St’Thomas da 2-0 kol bad iaka nam player of the match la ioh da u Nicky Kurkalang naka PFR Soccer Camp. Hadien ba kitei ki kynhun kila ioh ban khur iaka jing jop haka jingialehkai semi final, kin hap pat ban khun iaka phainal ka ban long haka 15 tarik mynta u bnai ha madan Shillong Public School ha kaba ka PFR Soccer Camp kan ia khun pyrshah iaka Sunny Dale School haka Category 7 snem haka por 5 baje janmiet, ka PFR Soccer Camp kan ia khun pyrshah iaka PFR Team B haka Category 8 snem haka por 5:30 baje janmiet bad ka PFR Soccer Camp kan ia khun pyrshah iaka Onside Football haka Category 10 snem haka por 6:15 baje janmiet.