Nongstoiñ: Ka kynhun ialehkai jong ka Khliehriat Fc kala lah ban pynliem noh ia ka kynhun ialehkai jong ka Mawlot Fc da 2 kol la 0 ha ka jingiakhun ia ka wat kaba nyngkong jong ka lympung 2nd Invitation Knock Out Football Tournament bala pyniaid da ka New Nongstoiñ Sport Social & Cultural Club (NNSSCC).
U Ralangki Sutnga jong ka Khliehriat u bala ioh ban khur ia ka nam Man of the Match.
Haba phai sha katei ka jingiakhun kaba la long hynnin ka sngi ha ka madan New Nongstoiñ lah ban ong ba kala long kawei na ki jingiakhun kaba itynnad tam ban ia ki jingiakhun kiba la dep namar ba baroh ar tylli ki kynhun ki long kiba mar ia biang bor bha kaba la pynhun shisha ia kiba bun ki paidbah nongwan peitkai.
Ka jingiakhun ha kaba sdang eh ia ka kylla step na ka liang jong ka Khliehriat kala lah ban tehlakam bha ia ka bol bad ruh kala ioh ia ki katto katne tylli ki kabu thepkol bad khelmda pynsepei ia kitei ki kabu u Ralangki Sutnga ha ka minit kaba 21 u la ioh ban khalah da kaba tyngeh ia ka bol kaba la rung beit jlang shapoh ka kol bad lyngba katei ka kol ka Khliehriat kala ioh ban lam khmat da 1 kol ia ka jingialehkai.
Shuh shuh hadien ka jingioh thep ia katei ka 1 kol ka Khliehriat kala nangioh mynsiem shuh shuh bad hakatei kajuh hi ka kylla step kala ioh biang sa kawei ka kabu thep kol kata ha ka minit kaba 33 bad ia katei ka kabu ruh kam shymla pynsepei satia ha kaba u Hikaidame Bareh u la ioh ban khyrwit sa ia ka kol kaba ar na ka bynta ka Khliehriat.
Haba bteng biang ia ka jingiakhun sa ha ka kylla miet la sakhi ruh ban a ka liang jong ka Mawlot kala iakhun tyngeh ban ioh pynphai pat ia kitei ki ar kol ha kaba kala sdang ruh ban ñion bha ia ka rukom ialehkai bad ha kala ioh ruh ia kawei ka kabu ksiar ban ioh thepkol hadien ba u nongpyniaid u la rai ban ai beit da ka penalty namar ka jingkum pyndei u rangapdien ka Khliehriat ia ka bold a ka kti ka jong u bad ia katei ka kabu ksiar la shimti da u Jonas Mawlot hynrei um shymla la lah ban pynkhih ia ka jar namar ia ka bol la kem suk noh da u rangapkol ka Khliehriat.
Watla na ka liang jong ka Mawlot kam shym pat la ioh satia ban pynphai ia ki kol hynrei la sakhi ba ki rangialehkai kila iakhun tyngeh da ka mynsiemjong ka jingiakhun dohiap bad lyngba katei ka jingiakhuntyngeh ka Mawlot kala ioh ruh ia shibun tylli ki kabu ban thep kol hynrei sniew bok ba kitei baroh ki kabu kiba ka ioh ki shu sepei lut khait namar ka bol kam shymla rung sati shapoh ka kol bad ruh la ioh bankyrda noh da u rangapkolbad ha kaba kut ka Mawlot kala hap banmad noh ia ka jingshah rem.
Ha katei ka sngi ia ka khusnam Man of the Match la iohbankhur da u Ralangki Sutnga jong ka Khliehriat Fc u bala lah ban ialehkai bha ha katei ka sngi bad na ka liang jong ka NNSSCC kala pyntip biangba ka jingiakhun kaban bud kan long biang mynta ka sngi ha kaba ka kynhun ialehkai jong ka Imson FC kan iakhun pyrshah ia ka kynhun ialehkai jong ka Littlestar FC.