|
Jowai: Kumba 13 ngut ki nongtrei bylla tih dewiong ki la ngat ha ka apot kaba shyrkhei hadien ba ka par dewiong kaba ki dang tih dewiong be-ain hapdeng ka jingkhang ka NGT ka la shlei bad dap um kyndit.
Kane ka la jia mynta ka step ha ka por kumba 5:30 am eiei. La ong ba kitei ki nongbylla ki la kum pynpei bakla na ka bynta shapoh khyndew ia kawei pat ka par dewiong kaba khlem pyntrei shuh bad ka la bthei kynsan bad ba um na katei kawei pat ka par dewiong ka la pyndap smam ia katei kawei pat ka par dewiong kaba don ki briew kiba trei hapoh krem.
Kane ka par dewiong ka don hapoh u pud u sam ka shnong Lumthari kaba hap hapoh Saipung Police Station bad Saipung C&RD Block.
Haba iakren bad u SP ka East Jaintia Hills u la ong ba u la ioh jingtip lyngba ki riew paidbah ba napdeng kitei ki 13 ngut 3 ngut kidei ki, pnar bad trai shnong na Lumthari.
Ki pulit ki la hiar sha katei ka jaka bad ki la iathuh ba katei ka par dewiong ka jylliew um duna ia ja 300 phut.
U nonglum khubor U Rupang ruh u la hiar kyrkieh sha katei ka jaka, hynrei namar ba la ioh jingtip khamdier, ym lah shuh ban poi sha katei ka par namar ba ka jngai na shnong bad ruh ba la kem dum ka bneng.
U SP u la iathuh ruh ia ka um ki dang pump mynta da ka Generator bad ki dang wad ruh ia u trai katei ka par ban kem ia u namar la dep ruh ban register mukotduma halor katei ka jingjia.
Ki kyrteng jong kito kiba la shah tap ha ka um, ki long U Omor Ali, S/o Smt. Omela Bibi, R/o. Magurmari, West Garo Hills, U Mezamur Islam, S/o Shri. Josur Ali Islam R/o. Phesiakandi, Rajabala, WGH, U Mominul Islam, S/o Shri. Abul Islam, R/o. Rajabala, WGH, U Amir Hussain, R/o. Apdaguri, Sirang, Assam, U Munirul Islam, S/o Shri. Solibar Islam, R/o. Bogidar, Sirang, Assam, U Saiar Islam, R/o. Khoyarsala, Sirang, Assam, U Shirapat Ali, S/o Azahar Ali, R/o Magurmari, WGH, U Mozid Sk, S/o. Mahammad Ali, R/o Magurmari, WGH, U Raziul Islam, S/o Shohor Ali, R/o Magurmari, Phulbari, WGH, U Md. Samsul Haque, S/o Md. Nabaruddin, R/o Kurihamari, PS-Bhangnamari, Nalbari, Assam, U Chal Dkhar, S/o Smt. Rita Dkhar, R/o Lumthari, East Jaintia Hills, U Iong Dkhar, S/o Smt. Just Dkhar, R/o Lumthari, EJH, U Nilam Dkhar, S/o Smt. Just Dkhar, R/o Lumthari, EJH. |