Shillong: U General Secretary ka People’s Democratic Front (PDF), u Bah Auspicious Lyngdoh u la rai ban iakhun ia ka MDC elekshon sha ka KHADC na Mawphlang-Diengiei, ha kaba la shim ia katei ka rai, ha ka jingialang ha Mawphlang myn hynnin ka sngi.
Ki paidbah nongkyrshan katba ki dang rah kti ban kyrshan ia u samla Auspicious Lyngdoh kum u kyrtong ka PDF ha ka ilekshon MDC 2019 na Mawphlang-Diengiei Constituency
U kpa jong u bah Auspicious u bah Aiborsing Rajee u la ong ha ka jingialang paidbah mynta ka sngi, ba u la phah ia la u khun ba un iakhun ia kane ka elekshon MDC.
“Nga phah da ka jingkmen ba un iakhun ia ka ilekshon MDC 2019 bad nga theh ka jingkyrkhu kum u kpa nga kwah un kiew shaphrang ryngkat ka nam ka burom”, la ong u kpa u Bah Aiborsing.
U kpa jongu, u la pan jingkyrshan ruh na ki paidbah ba kin ai ka jingkyrshan na ka bynta u khun jong u.
Ha kane ka jingialang, la ioh ruh ia ka jingkren na ki riew rangbah kiba la pynpaw ba kin kyrshan ia u.
Haba kren ha kane ka jingialang u Bah Auspicious u la ong u tyrwa ialade kum u samla ban long u rishot ban ia kit ia bah bad ïa said namar ka jaidbynriew.
Kiwei kiba la ai jingkren, nalor u samla Auspicious ki kynthup ia u Bah P Nongrang, Bah Y Jyrwa, Marit Tes, u Bah Bansharai Basaiawmoit, u Bah Belan Nongbri, u ban iakhun ia ka ilekshon MDC 2019 na Sohiong-Nongspung Constituency, u Bah Ivanlumlang Marbaniang, President ka PDF bad kiwei kiwei.