Shillong: Ha ka sien kaba nyngkong ka Khasi Student Union Umthlong-Nongthliew Circle kan pynlong ia ka 1st Maitshaphrang Award ha ka 03tarik Kyllalyngkot 2019 ha Umthlong ban pynkup burom ia ki samla kiba pass ha ki eksamin bapher bapher jong u snem 2018. Tang kiba ioh ia ka 55 per cent shaneng naduh klass 10 shaneng kiba hap hapoh ka Area Nongthliew. Ki samla pule ka thain kin sngewbha ban pynpoi ia ki xerox marksheet jong ki ha ki Nongkitkam ka seng hapoh ka 17tarik Nohprah 2018. Ha kane ka sngi kan don ruh ka jingiakob shad ka ban pyniaid da ka seng ha kaba ki tyngshop ki puron kiba pawnam ka jylla kin don lang ha katei ka sngi kum ki nongbishar ia kane ka jingiakob shad, ong ka kyrwoh khubor ba la pyllait da u Organising Secretary Samla Phyrnailang Kurbah bad u Art & Culture Secretary Samla Bistarjune Marbaniang.