Shillong: Ka ophis u District Sports Officer (DSO) ka East Jaintia Hills District kan sa pynlong shen ia ka jingialehkai phutbol bad handball na ka bynta ki samla kynthei bad shynrang ka district ki ba hapoh 21 snem ka rta.
Ia kane ka jingialehkai yn sa pynlong ha ki kyrdan ki block bad bud sa ka District. Kane ka jingialehkai kan long hapoh ka skhim Khelo India ia kaba la tip kum ka Sports for Peace and Development.
Ia kane ka jingialehkai yn pyniaid ryngkat bad ka ophis u Deputy Commissioner ka East Jaintia Hill District. Ka tarik ba khatduh ban pdiang ia kiba kwah iashim bynta kan long ha ka 14-12-2018 bad ia ki jingtip ba kham bniah lah ban ioh na ka ophis u DSO East Jaintia hill District ha ki por trei.
Ki samla ka District ki ba kwah ban iashim bynta ki dei ban don ia ka syrnot sngi kha. La iawer iaki skul, ki klob, kiba don hapoh ka District baroh na ka bynta ban wan iashim bynta.