Ujor pulit ki 11ngut, ha ka bamsap ba T.1.18klur U CEM JHADC

Jowai, 11 Rymphang:
11ngut kiba paw kyrteng, ba ki la ioh ia ka skhim Discretionary Grant, na U Ma MB Rymbai Chief Executive Member jong ka Jaintia District Council, ki la leit ban buh da ka jing ujor ha Jowai Police Station mynta ka sngi, ha kaba ki la kynnoh, ba U Ma Rymbai, ula sei tuh, ia ka pisa, ha ki kyrteng jong ki briew kiba kynthup ia U Ma Coming Pyrtuh, Mol Dkhar,Dre Dkhar,Tyrshaiñ Pyrtuh,Hom Chyrmang, Kong Rijoy Pyrtuh, Kong Chilty Kyndait,Kong Rinisha Kyndait, kong Sil Lyngdoh, Kong Mera Khyriem bad ka kong Phul Sana.
Kitei ki 11ngut, ki la leit ban ai jing ujor pyrshah ia U CEM jong ka Jaintia District Council, ha ryngkat ka jingsynran jong ki nongialam Seng bhalang, ba kynthup ia ka JSU bad ka JYF.
Ha kawei pat ka khubor, hadien ba la mih pyrthei ka khubor bamsap kaba la poi shaka 1 klur 18 lak, na ka liang ka UDP Jaintia HIlls haka jingiakyn duh bad ki nongpathai khubor ka la pynpaw ia ka jingsngewkhia bad pynrem jur ia u Chief Executive Member (CEM), ka Jaintia Hills Autonomous District Council (JHADC), u ma Madonbai Rymbai.
Ka jingpyndonkam bakla ia ka pisa paidbah kaba haduh 1.18 klur kaba la paw pyrthei lyngba ki lad pathai khubor da ka jingiarap ka RTI report, ka UDP ha Jaintia HIlls ka la byrngem ban kiew sha iinglieh iingsaw, pyrshah ia u Chief Executive Member ka JHADC, namar ba ka kam bamsap kala nangjyllei hapoh ka JHADC.
Na ka liang jong U Joint Secretary ka Seng, u ma G. Lamare, ula ong ba u CEM ka JHADC u la sei hi ia ka pisa ha ka kyrteng jong ki paidbah na ka bynta ka jingmyntoi shimet jong u bad na ka liang ka party, ha ryngkat ki nongialam ka Party ha ka jylla ki la rai ban ujor pyrshah sha ka iing Kashari halor ka jingpyndonkam bakla ia ka pisa paidbah ha katei ka council.
Ha ka jingiakren sha ki nongpathai khubor, u ma Michael Sayoo uba long u President jong ka Unit, ula ong ba na ka liang jong ka seng ka la pyllait paidbah ia ka mat jing kular elekshon jong ka seng mynta ka sngi. Ula ong ruh ba ka mat ilekshon jong ka seng, ka don ka mat kaba kyrpang ban ialeh pyrshah ia ki kam bamsap hapoh JHADC.
U ma Sayoo ula ong shuh shuh ba ka seng kam lah shuh ban shu sngap bad ban shu shongkli kti namar ka kam bamsap ha JHADC ka jia bad iai jia na ka por sha ka por.
“Ki kam bamsap ki kynthup ia ka jingpyndonkam bakla ia ka pisa paidbah, ka jingthungkam be-ain kaba sop sop bad ka jingpyndonkam bakla ia ka bor da kito ki nongmihkhmat”, la ong u ma Sayoo.