Yn shong khyrain ka NESO

Shillong,11 Rymphang:
Ka North East Students’Organisation (NESO) ha ka jingialang jong ka kaba long ha Guwahati ha ka 10 tarik mynta u bnai, ka la shim ia ka rai ban dawa na ka sorkar kmie ba ka dei ban pynshitom bad ban kem ia kito ki briew kiba pyniap ia u samla Nido Taniam bad ia ka jingshah thombor jong ka samla kynthei kaba na Manipur ha ka nong bah Delhi.
Halor katei ka jingjia ka NESO k ala shim ruh ia ka rai ban ia shong khyrain, ha khmat ing u lat ka jylla Assam ha ka 14 tarik mynta u bnai na duh ka por 11 baje mynstep haduh 2 baje janmiet bad ban ai ruh ia ka mat jingdawa.