Nga kyrshan ia u kyrtong ka Seng, ong u MDC ka Mairang

Shillong, 11 Rymphang:
U MDC ka Mairang na ka seng Congress u Bah Rasor Rani u la ong ba watla, um shym la ioh tiket na ka party hynrei u kyrshan beit ia u kyrtong ba ka party ka la bynshet.
U Bah Rani u la duh tiket na ka Congress watla u dei u MDC ba mynta bad u la ioh da u Bah Lawren Basaiawmoit, uba dei u myntri ka Hima Nongkhlaw. “Ki don hi ki nongialam ki nongkyrshan kiba sngewsih ia ka jingduh tiket jong nga, hynrei ngan kyrshan beit ia u kyrtong ba ka party ka la ai tiket”, la ong u bah Rani.
U la ong ba watla um lah ban pynbor than ia ka mon jong u paidbah hynrei, kum u briew ka party un kyrshan beit ia u kyrtong ka party.
Ka Mairang kan sakhi ka jingiakhun hapdeng ka HSPDP ba la pynieng ia u Bah Counsellor Wahlang, u MLA ba mynta u Bah Metbah Lyngdoh, bad u Bah Lawrence Basaiawmoit.