Ka Chelsea, ka la pynkyndit hynnin ka miet ia ka Manchester City, ha kaba ka la pynliem da 2-0 ia ka City, ha ka jingialehkai English Premiere League. Ka City, kam pat ju shah rem ha ka jingialehkai Premiere League mynta u snem, kat haduh hynnin ka sngi.La ioh thep ia ki kol jong ka Chelsea da U N Golo Kante ha ka minit kaba 45 bad U David Luiz ha ka minit kaba 78.
Ha kawei pat ka jingialehkai ka Manchester United, ka la pynliem ia ka Fulham da 4-1, ha kaba la thep ia ki kol da U Young ha ka minit kaba 13, U Mata ha ka minit kaba 28, U Lukaku ha ka minit kaba 42 bad U Rashford ha ka minit kaba 82, katba ia ka Fulham, la ioh thep da U Kamara ha ka minit kaba 67.
Ka Tottenham, ka la pynliem da 2-0 ia ka Leicester, ha kaba la thep ia ki kol da U Son Heung Minn ha ka minit kaba 45+1 bad U Dele Ali ha ka minit kaba 58.
Ha kawei pat ka jingialehkai jong ka Liverpool, ka la pynliem ia ka Bournemouth da 4-0, ha kaba ia ki kol, la ioh thep da Laliga ka Barcelona, ka la pynliem ia ka U Salah ha ki minit kaba 25,48 bad 77, katba ia ka kol kaba saw la thep hi da u nongialehkai ka Bournemouth ha ka minit kaba 68. Ha kawei pat ka jingialehkai ka Arsenal ka la pynliem da 1-0 ia ka Huddersfield, ha kaba ia ka kol la ioh thep da U Torreira ha ka minit kaba 83.
Ka jing ioh point haduh mynta ka ialehkai English Premiere League, ka long ba ka Liverpool, ka ioh 42, ka Manchester City 41, ka Tottenham Hotspur 36 bad ka Chelsea 34.
Ha ka jingialehkai jong ka Laliga ka Barcelona, ka la ioh thep da 4-0 ia ka Espanyol.