Shah kem 5, ki nongkhaii tuh

Shillong, 11 Rymphang:
Ki shipai BSF ki la ioh kem haduh 5 ngut ki nongkhaii tuh ha ki thain khappud jong ka West Garo Hills district, la kem ia ki mynhynin ka sngi bad na kitei ki 5 ngut ki shipai ki la ioh ban kurup shibun bah ki dawai phensedyl kiba la thmu ban pyniaid sha Bangladesh. Hadien ba ki la ipher ia ka rukom iaid rukom ieng jong kawei ka kali Sumo kaba dodn ia u nombar ML-07-A-4483, ki BSF ki la buddien sia ia ka bad ki la ioh ban kem lain gut ki nongkhaii tuh napoh katei ka kali hajan ka shnong Kachuadogri.
Ki 3 ngut kiba la shah kem ki dei kiba la tip kyrteng kum u Abdul Faruk (34), Abdul Awal (38)
na Jurdanga village hapoh Dhubri district ka Assam, bad u Mukul Hassan (19) na Mahenderganj, South West Garo hills. Na kitei la ioh ban kurup haduh 563 bilor ki dawai Phensydyl kiba shongdor haduh T. 2.25 lak , lai tylli ki mobile phone bad ka pisa kaba haduh T.17,500 tyngka.
Na kitei ki 3 ngut kiba la shah kem ki shipai ki la ioh ksai ban kem sa ar ngut kiwei pat ki nongkhaii tuh kiba la tip kyrteng kum u Bishen N. Sangma(26) bad u Cheng R. Marak (20) baroh ar ngut ki dei na ka shnong Gasuapara ka South West Garo hills, kiba la wan hajan Jatrakona ban ia kynduh bad ki briew ba ki la kut.
La ong ba kitei ki phensedyl ki dei kiba la wanrah na Mankachar , Assam bad la pyniaid lyngba ka jylla Meghalaya ban phah sha Bangladesh, ia ki mar ba la ioh kurup ki shipai ki la dep ban aiti sha ki pulit.