|
Shillong: Sa shisien pat U Bah Aloysius Papang, ula shah khot sngewbha ban long kum u Guest of Honour (Symbud Kongsan) bad ruh kum u wei na ki nongkren bad nong pule poetry ha ka lympung bah jong ki nongthoh kot bad poetry jong ka pyrthei ia ka ba lah tip kum ka “THINKERS AND WRITER’S MEET/INTERNATIONAL CONFERENCE 2019 halor ka phangpdeng , ” FREEDOM, HARMONY AND PEACE” ia ka ba la khot pynlong da ka International Society for Intercultural Studies and Research (ISISAR) ha ryngkat bad ka jingiatrei lang jong ka WCPA, IPPNO (USA),Peace Comittee Intetnational, Cultural Centre for Vijayavada & Amarawati (CCVA) bad ka Gandhi Seva Sangha bad kiwei kiwei de naduh ka 4 tatik haduh 6 tarik u Kyllalyngkot jong u snem thymmai 2019 ha ka Nongbah Kolkata jong ka jylla West Bengal.
 U Bah Aloysius u lah shah jied bun bun sien ban leit mih khmat ia ka jylla Meghalaya bad ia ka ri India ha ki ba bun tylli ki jingialang bah jong ka pyrthei ia ki ba la khot pynlong ha poh ka ri India bad shabar ri ruh kumjuh. Ki programme ki ba paw bha ia ka ba i lah shah jied ban long kum u delegate and International Speaker ban mihkhmat ia ka ri India ki dei ka World Youth Conference 2016 ba la pynlobg ha Vigyan Bhavan, New Delhi, South Asian youth Conference ha Lucknow, Uttar Pradesh, International Conference on Human Values ha Bangalore, Karnataka, 1st Commonwealth Youth Summit 2017 ha Kuala Lumpur ,Malaysia. International Youth Summit bad Global Youth Summit 2018 ha Pokhara, Nepal, 1st India Bangladesh Commonwealth Youth Conclave 2018 ha Dhaka Bangladesh, International Conference on ” Stop discrimination for world Peace and Harmony ” 2018 ha Mathura Uttar Pradesh, bad ha ka jingialang bah jong ki nongthoh poetry jong ka pyrthei ka, ‘International Multilingual Poet’s Meet 2018’ ka ba dang shudep pynlong ha Vijayavada , Andra Pradesh ha u bnai Naiwieng 2018 bad bun tylli kiwei pat.
U Bah Aloysius, u dei u ba dang shu shongthait na ka kam kum u ophisar jong ka sorkar Meghalaya ha ka kyrdan Financial Adviser, bad u la trei teng ruh ha ki kyrdan ba pher ba pher jong ka sorkar Meghalaya kum u Treasury Officer, Finance and Accounts Officer, Director (Finance) Meghalaya National Health Mission, Deputy Director(Finance) Meghalaya Aids Control Society bad kiwei kiwei de. Bun tylli ki poetri ba u la thoh ha ka ktien phareng, Khasi ban Pnar ki lah ioh ban rung ha ki ba bun tylli ki kot poetry ba paw nam jong ka pyrthei kum ka Multilingual poetic Prism International Anthology 4th edition, Asian Literary Society’s World Anthology of Poems bad kiwei de bad u lah shah pynkup burom ruh arsien dangshen ha ka Cultural Centre of Vijayavada And Amarawati ha ka jing iadri bad ka jing noh synniang jong hi ia ki 4 tylli ki poetri bad ha ka juh ka por ki poetry ba u la thoh ha ka ktien pnar bad Khasi, “Jingim wa kordor” bad ” Ha pneh ka Mei Mariang kidei ki poetri ba pnar bad khadi ba nyngkong duh ki ban ioh rung ha ka thup poetri ba saw (4th edition) jong ka Multilingual Pooetic Prism 2018 ia ka ba la pynlait paidbah da u Myntri Rangbah jong ka jylla Andra Pradesh ha ka nongbah Vijayavada ha u bnai November 2018.
Dangshen i lah trei ruh kum u Country Co- ordinator badei piet ia ka Ri India ia ka ba lathung i a u da ka O-YES Foundation kawei na ki NGO na ka Ri Thailand.
|