Nongpoh: Ka Lailad FC ka la ioh ban rah ia ka namlahduh ha ka 4th Umkaduh Champion League, ka lympung ialehkai kaba la pynlong da ka Umkaduh Youth Sports Club & Cultural Organization, hadien ba ka la lah ban pynliem noh ia ka Upper Umkaduh FC da 5-2, ha ka jingiakhun phainal kaba la long hynnin ka sngi ha madan ialehkai ka shnong Umkaduh.
Khyndiat haba phai sha katei ka jingiakhun phainal hapdeng jong kitei ki ar-kynhun, ha kaba tang ha ka kylla step ka Dong Lailad FC, ka la lah ban lamkhmat ia ka jingiakhun da kaba thep haduh 4-0.
Haba bteng pat ka kylla miet, ki rangialehkai ka Upper Umkaduh, ki la pyrshang ban thaw ia ki lad ki lynti na ka bynta ban pynphai ia kitei ki kol kiba ka la shah thep bad ha kaba kum katei ka por tang ha ki khyndiat por ka la ioh ban pynphai ia ki 2 kol bad kaba la pynkyndit ia ki rangialehkai ka Lailad FC, hynrei katba nangiaid ka por ki rangialehkai ka Upper Umkaduh FC, ki la iakhun tyngeh bad ki la ioh biang ban thep sa shikol bad kaba la pynlong syndon ia ka kynhun ba kan lah ban pynliem ia ka Upper Umkaduh da 5-2.
Ka Dong Lailad FC, kaba la ioh ban rah ia ka namlahduh ka la ioh ban rah ia ka Trophy lem bad ka song pisa, kaba la long kumjuh ia ka Upper Umkaduh FC, ha kajuh ruh ka por la sam ruh ia ki khusnam shimet, ha kaba la ia ka nam Best Player la ioh da u Freedy Sylliang, Top Scorer da u Aibantista Syngkli bad u Botfor Kharkongor kum u Best Goalkeeper.
Ia katei ka lympung ialehkai la wan ban pynkut da u Bah Jason Mawlong, MLA ka Umsning kum u Kongsan, ha ryngkat ka jingdon u Bah B. Sylliang Rangbah shnong ka Umkaduh, u Bah Lambok Sylliang, President ka UYSC&CO lem bad kiwei kiwei ki riew rangbah.