|
Shillong: Ka Khasi Students Union Jaintia Hills District Unit ka pynrem jur iaki pulit ka East Jaintia Hills namar ka jingkem kulmar ia ki riewpaidbah kiba ki shu tharai bad mutdur halor ka jingjia ha Sohshrieh.
Ka jingthwet bad kem kulmar ka long ka long kumba pyntieng pynsmiej iaki paidbah. Ka seng ka ong ba ki ba bun ki longiing sha East Jaintia Hills ki la sheptieng iaka jingleit kem kulmar ki pulit iaki riewpaidbah.
Kumta halor kane ka seng ka kyntu ia ki pulit ba kim dei ban shu kem kulmar, katba kim pat lah ban pynshisha ne pyntikna iaka jingdonkti ka jong ki,namar lada ki pulit ki kem kulmar ka lah ban nangwanrah iaka jingkulmar ka jing bym shngaiñ satia jong ki paidbah ka thain.
Lada mih kano kano ka jingkulmar na ka jingkem pathar jong ki pulit iaki paidbah, ki pulit ki hap ban shim iaka jingbah khlieh la ong ka kyrwoh naka Seng.
Ka seng ka sngew ruh ban kdew Ïa ki jingjia, ki jingshah pyniap, shah shoh, shah batbor jong ki baduk kiba rangli hynrei ym juh iohi koit ba ka sorkar ka siew bai lutksan ne shim khia. Hynrei haba ka jia ia kiba kham don, ka sorkar ka pynbiang nadong shadong wat haduh ban pynbiang ia ka bai liengsuiñ ban phah sumar shabar ruh. Kumba ka long mynta na ka liang kiba haiing hasem u Poipynhun Majaw ki khlem ioh eiei ka bai lutksan na ka Sorkar. Kane ka pynpaw iaka jingleh shiliang khmat jong ka Sorkar Jylla. Nangta haka jingshah pyniap jong uwei u Rangbah ba na Block 2 dang ha kine ki khyndiat bnai ba ladep, ym ioh i eiei ba ka Sorkar kan iarap, hynrei lah iohi pynban ba ka jingiarap ka wan na Karbi Anglong, ong ka kyrwoh.
|